عتاب الزمن

]عتاب للزمن
بسك يازمـــــن وشعندك وياي؟
كضيــــت العمر أحــزان بأحزان

خذت مني الســعاده وكل الامال
ولاأصــحاب الــي ولا بقوا عــوّان

وبـــس همومـ منك ماكو أفـراح
وطبــعت بكلبــي مية الـف نيشـان

وتطـعن بالـكلب تلجــم بالجــروح
وبكـل لحـظه احسّــه يثور بركــان

وماتنصف عدل وبروحي تزرع اه
وبزرعكـ خضـرت هالروح بســتان

محتاجه الفــرح وماريد شــي وياه
الماعنـده فرح مثل الهجرله أوطــان؟

وحتى الصبر مل خلصتـــه وياكك
وروحي من الصـبر وجّــت بنيران

درستك يازمن من الالف للنون..الزمن
واحفظلكـ وفـه وتكلي غلــطان

تعرف بس خيانه وهجــر وجروح
وتشمّت يازمن بجروحي عـــدوان

اريدن بس سبــب لعنادك و ياي
صدكني بعذابك كلبي حيـــران

لناسك قسمت كلهم عناوين
ومجروح زماني حصتي عنوان